अखाया हागानो रोँलिया
R
Ronjoy Brahma
0
Altın Yaprak
नोगोरनि गरखायाव एम्फौनि फुवाना
बोहैलांबाय अखा हादैजोँ गोथै खबाम रोजाबनानै,
लामा दथायाव थं गसंनाय पुलिसा सानदोँ-
थेवबो बे अखाया हागानो रोँलिया।
बिरद'-बाद' सिखिरि दालाइ बारस्लायनाय दाउसिन
उदै खंख्ला सिबाय गांखं एरनायावनो मुखुब
अब्लाबो जोँ बे अखाखौ नेवसिनो हाया
अखानि मेथाइजोँ थायख्रिगोन फिथाइ।
मोखां रानखांनाय आय दैसानि बिखायाव
गोदान गोरबो बोहैगोन दै जानानै
एसेबांदि सम गोलोमदैजोँ जोदोबनाय बालाहामा जिउ सेख'जानाय केक्टासा रोजाबदोँ।
साम'लादाया खरसे बिलोनि जारिमिनखौ
गोदानै सुजुगोन दोबैनाय गोसोखौ बुरखांनानै।
गावस्रानाय जिउमाखौ थिखिनियाव दोन्नानै
मुलुगनि दौलेंखौ बिखा गेजेराव दोनोब्ला
जोँखांनाय खन्थाइगिरिनि गुस्थिया मोसाखाङो
जाय खबामा गावखौ माब्लाबा नागारलांगोन।
सिरि सिरि बारआ नुजायै महरै रोजाबलाङो
बेसेबांदि गोमोथाव मोजां मोन्नाय बियो।
सुबुं सुजाबनानै बोराबनाया जानखारलाङोब्ला
सोरांआ बाज्रुमफैयो मिरु हांखो बोनानै
Bu şiiri puanla
Henüz puan verilmemiş