अन्थाइआ गाब गायै गायै रंजायो
R
0
Altın Yaprak
हाजोआव बारनाय बे बोथोरनि बिबार
आर थाइलिर बिफांआ जोबोद नायहरो बिथांखौ
बावखुंग्रिआ जेसेबां हायो एसेबांसिम बाज्लयो
अन्थाइआ अख्रांनि गाब गायै गायै रंजादों लामायाव
आंनि खर'आव गसंनाय खानायआ हाद्रि सिना रानस्राव जायो
बिथांआ आंखौ आथिंनिफ्राइ थिखिनिसिम नायो
आरोबाव फिन जुरिफिनो आथिंनिफ्राइ थिखिनिसिम
बेबादिनो खारख्राव-खारसि साना हादोर हादोर बेरायो
सानथिं-बाथिं आंनि सिमां नुग्रा गोसोआ बुंनांगौब्ला
बोनदों ओंखाम थफ्ला उन्दुनायनिफ्राइ सिखारनानै
आंनि खोमा खोमा खानाय बिलाइ मेगन सेराव बारनाय बारआ
गासैबो लेङो आंखौ अनजालिनि मेगननि गाथोनाव
सिबाय लाजिगोरों आं आरो मा बुंबावगोन जायो बेसेरा
फुं-सानसुथिर आं नोंखौ लोगो मोनो हटेलाव केन्टिनाव
आरो लामायाव गोजानाव मोनाबिलियाव फोथाराव
बेल' नङा गंसे आरांगानि सेरावनो जों सानैजों जिरायबाय
गंसे जगनि दैखौनो नों लोंलाय आं लोंलाय लोंबाय
मोखांजों मोखां मिनिलायबाय जों सानैजों एफाग्राबमानि
थेवबो आं गाब गानैल' अन्थाइ जानानै रंजाबाय
बुंनांगौ आद्रा थाबाय हामनाय-हामैनि मुलुगनि बाथ्रा
आं दा गेदेर-गोलाव सुबुंनि सल' खोनायोब्ला थैफ्रामलायो खुसिजोंनो
दुखुथिया सुबुंनि संग्राइआव उनदुनानै सिरि मोननाय सुबुं आं
बे बारआव मुलुग नोंखौ सुबुंआ गोदानै दाफिनथोंसै दे
Bu şiiri puanla
Henüz puan verilmemiş