अरननि दाइरि 1.02 थास' बिबारनि बारिनिफ्राइ
R
Ronjoy Brahma
0
Altın Yaprak
13
सिगुण हाजोखौ बारब्ला
मोन्नाय निरि दैसा,
सेराव बेसेबा गुवार
थास' बिबारनि बारि दं।
14
दैसाया मिनिखुसियै बेसेबा गोजोँ बोहैदोँ
अरन आरो सिरियाखौ नुनानै,
दैसाया खुसिसिन जाबावदोँ
बियो समायनायै लासैसिन बोहैबाय।
15
बेवहाय थमेन थमेन जारौ जारौ
गोमो-गोथां मिजिँ गोनां,
गोफार मोखांजोँ थास' बिबारा
अख्रां फारसे थोँगोर थोँगोर नायदावदोँ।
16
दुलाराइ दैसानि सेर सेर
जेरैबो मोनामनाया बिरबायदोँ,
बाहां-बिरहां सिखिरिफोरा लाजियो
थास' बिबारनि गोजोँ मोखांखौ।
17
लावजिद लावजिद गन्थं
गोफार गोफार मेगनखौ,
बेखायनो थास' बिबारा खालाय जाया
बेरे सिखिरिनि नोजोराव।
18
थास' बिबारा आद्रि जाया
बेरे सिखिरिनि खुदुमनायाव,
थास' बिबारनि गोफार गुस्थियाव खुदुमनो
बेरे सिखिरिया लाजियो।
19
स्लिम स्लिम लावजिद सोलेराव
बिसोर गोबानो लाजियो,
बेखायनो थमेन्नाय समनिफ्रायनो
सिरिनाय समसिम गोथारै थायो।
20
सिगुण हाजोखौ बारबोनानै
समायना बे जायगायावनो,
सिरिया रुम्बांखौ एंख्लायबाय अरना
बियो बेसेबा खुसि जाबाय।
21
लोगो लोगो रुम्बांआ गावनि लाजिगुसु
थमेन्नाय गन्थंखौ हमथेबाय,
बिनि जेरबायाव गान्नाय दखनाया
बाब्राबै बाब्राबै गेवसारदोँमोन।
22
बियो लाजिबांसिन बोराबनाय
रागा मोखाङै गोरायै खाथेफिनबाय,
गियान आरो रागाजोँ
सहायनो हायैबायदि मोनबाय।
23
थास' बिबारनि मोनामनाया
बिखौ दसेबो थानो हायैबायदि खालामबाय,
अरना बेसेबा खुसिमोन
थास' बिबारनि गेवलांनायखौ बियो नायदोँमोन।
24
बिनि गन्थंआव थास' बिबारनि मोदोमनाया
बेसेबा गोथावसिन जादोँमोन,
गुसु बारा अरननि सोलेरसिम
थास' बिबारनि मोदोमनाय लुफाव फैदोँमोन।
25
सिरिया रुम्बांआ गिनाय
आरो रागाजोँ बेसेबा उसु-खुथु,
गाबै गाबै मेगनजोँ मोदैया
बोहैख्लायनाय निजोराबायदि जादोँ।
26
''एसेबां गेसाव जायगायाव
आंखौ मानो लाबोखो नोँ?
सोर नोँलाय?
आंखौ जिनाहारि खालामनो सानदोँ? खालाम!
27
आंखौ बुथारनो सानदोँ नोङो?
बुथार आंखौ!
सोर नोँलाय?
मा लुबैदोँ आंनिफ्राइ? ''
28
बाथ्राखौ बुंनाय लोगो लोगो
दैसानि अन्थाइ थायसे खन्ना,
थांखाव खुबैदोँ सिरिया
जोहोलाव अरननि खर'आव।
29
अरननि खर'निफ्राय बेसेबांबा
जाहाब जारौ थैया,
र र बोहैदोँ बेसेबा
अरना गावनि खर'खौ हमो।
30
बिनि थैया हायाव बेसेबा
गोमोथाव गोजा बिबार,
समायना बिबारनि महर लादोँ
बेखौ सिरिया रुम्बांआ नायगोमोदोँ।
31
अरना गावनि खर'खौ
बेसेबा हमथाबायदोँमोन,
सिरिया रुम्बांआ बे खाबुआवनो
बोलो होनानै गोर गोर खारदोँ।
Bu şiiri puanla
Henüz puan verilmemiş