अरननि दाइरि 3.05 गोलेर थैनायनिफ्राइ

558 रुम्बांआव गोलेरखौ नायहरबाय थानायसै एसेयावनो लामाखान्दाया रागाजोँ बोरियाव मानखोनो नाजानायसै अब्ला रुम्बांआ खारनो हमबाय। 559 बोरियाव मानखोनानै लामाखान्दाया बिखौ बारगानैयावनो मोनहां जाबाय, जेब्ला बियो रुम्बांखौ बारसिनो अब्ला मासे मोख्राया बोखोगारबाय। 560 लामाखान्दाया दान्दिसे आन्दायनायसै बियो नायथिँबायना उनाव नुनायसै, गावनि लानजाइजोँ बियो गोसायै बिफांखौ बुनानै होनायसै। 561 बिफांआ गुरलुब मावनानै फिथाइफोरा ज्रय ज्रय सिरिबाय, बिसोर लामाखान्दायनि खर'आव गोग्लैबाय लामाखान्दाया दान्दिसे दलर थानायसै। 562 आरोबाव गावनि खर'जोँ बियो बिफांखौ सौनानै होबाय, अरननि दाउसिनफ्रा होख्रावबाय जिब-जुनारफोरा गाबख्रावनायसै। 563 हालाय-हाफाय रुम्बांखौ नागिरनानै अरना बे समाव सफैबाय, बियो लामाखान्दायनि खाथियाव गसं फैबाय बियो खेबसे बन्थजोँ खुबैना होनायसै। 564 अब्ला लामाखान्दाय एरायना होनानै बिखौ खुगा ब्लां सिनानै होसोबाय, अरना बिफांनि फिथाइ खन्नानै बिनि खौगायाव गारसन्ना होबाय। 565 जोबोद गोखै थाइगिर फिथाइ लामाखान्दाया बेखौनो अरख्रुबगारबाय, बियो हाथाइ खैहाबनायजोँ दद्रबाय आरो सावफ्लेनानै गारफिन्नायसै। 566 गोख्रै खारनानै अरना गोसायैनो बिनि खर'आव सौनानै होबाय, लोगो लोगो बियो जसोबाय बियो होनबा रागा जोँखांसिन्नायसै। 567 लामाखान्दाया खौगा ब्लां फुवारनानै अरनखौ होसोनो हमनायसै, आरोबाव अरना अन्थाइ गारसन्ना होबाय लामाखान्दाय बेखौनो अरख्रुबफ्लांनो हमबाय। 568 बियो फिलनना गारबाय थायोब्ला अरना बिखौ बारनानै जोबाय, जेब्ला बियो खांग्राङो अब्ला आरोबाव गन्थंआव सौनानै होबाय। 569 अरना बिखौ खेबले खेबसे जोबाय उनथाराव मेंनायजोँ बाब्राबबाय, बियो आरोबाव सिखारनो हालिया बियो मेमब्रायना आथिँ जोकथोँ गारबाय। 570 दान्दिसेयावनो बियो लोरला जाबाय जमा बिनि जिउखौ लानानै थांबाय, अरननि जिब-जुनारा बेँखन फैनायसै दाउसिन दाउलाफोरा रोजाबफैनायसै। 571 अरनाव जुब जुब अखा हानो हमबाय अरननि गासैबो रंजाखांबाय, साना मेगन बेस्रां नायहरनायसै अख्रांआ सोरां जानायसै। 572 दान्दिसेयावनो जायख्लंआ नुजानानै स्रोब गोमोरलांबाय बहाबा, अख्रांआव बिरदाव बिरदाव दाउसिना लामाखान्दाय थैनायखौ फोसावबाय। 573 रुम्बांआ अरननि सेराव फैबाय जिब-जुनारा स्राय मिनिस्लुबाय, लामाखान्दायखौ बुद्रुनानै मोख्राफोरा दैसायाव फोजाव हैनायसै। 574 रुम्बांआव गासैबो जाथायखौनो अरननो फोरमायनानै होनो हमबाय, अरना सिरियै मोदै हुगारबाय बियो दान्दिसे गंस्रिना थानो हमो। 575 दैनि मासे जोहोलाव गोलेरा थैबाय बिनि थाखाय बियो गाब्बाय, बियो अबंलावरिनाव आर'ज खालामनायसै बिनि मेगननिफ्राय मोदै गनायसै। 576 रुम्बांआ बिनि मोदैखौ हुगारना होनानै बिनि आखायाव हमना बुंनायसै- ''बोलोगोरा दैनि गोलेरा आंखौ रैखा खालामना थैबाय। 577 बियो गावनि गोहोजोँनो मानै लामाखान्दायजोँ बेसेबा बुलायबाय, बियो लामाखान्दाय जोखौ अरथारबाय नाथाय जोलाया बिखौ अरथारफिनबाय।'' 578 बिसोर दैयाव थांनानै गोजावलांनाय गोलेरखौ नायहरबाय, दाउसिना नागारनायनि मेथाइ रोजाब्बाय अरनमोना फैफिन्नायसै मोनसे गाथोनाव। 579 जोबोद उखैनायजोँ अरना लोरला जाबाय रुम्बांआ फिथाइखौ जानो होबाय, अरना बिखौ मागा-मुगा जानायसै दान्दिसेयावनो बियो बाब्राबनायसै। 580 बेयो देहाखौ बोरैबा मोनबाय उसु-खुथु जानानै बियो दैयाव बारसोमनो हमबाय रुम्बांआ बिखौ गोमोहाबनायसै।