अरननि दाइरि 3.08 लावथ' आरो मुफुर

R Ronjoy Brahma Ronjoy Brahma
0 Altın Yaprak
626 मुफुरा गावनि गियानजोँ सान्नो हमबाय खेबसे नङा खेबनै गावखौदि सोर बागदाव होना बिखाखौ सिरिहां सिरिहां जालायनाय खारहोखोदि। 627 बियो गोथौयै सान्नो हमबाय- नायथारनि एबार सोर जानो हागौ आंखौ बागदाव होग्राया आंदि बिखौनो बांद्राय गिफ्लांबाय। 628 गोबाव सम गिनानै मुफुरा बंफां गोरानाव जिरायना बे मोदै जानायखौ गिनायजोँ गारनो हमबायमोन। 629 बंफांआव गाखोना बियो थायख्राव फिथाइ आरो मोनथारियाव आदुमब्रा फिथाइ गोमोन जानानै बियो देहा सोलेर हामख्रं थारबाय। 630 गोसो आरो गावनि सोलेराव बोलो गैयै खांनायनिफ्राय, जिउ नागारना थैनाया साबसिन थांनानै थानो थाखायनो जुजिनाय। 631 सोर जानो हागौ बियो आं बिथांनि आखायावनो दिनै थैगोन, बेबादि सान्नानै मुफुरा बंफां गोरानाव जनानै गोसो होना बेरे मोदै जानो हमबाय। 632 गावनि रुवाखौ फाफ्लियाव बान्नानै मुसुरदावना दान्दिसे उनाव लावथआ सफैबाय, मुफुरा गोसो होना बेरे मोदै जानाय नुनानै बियो बंफांआव खेबथाम देना होबाय। 633 नाथाय दिनै मुफुरा एसेबो बागदावाखिसै सिगांनिबादि बियो खिबुआव खि लानानै बारगासिनो हाजो थिखिनि मोनहैनाय जायाखिसै मुफुरा गोसो होना जाबाय थाबाय। 634 लावथआ सिरि सिरि थांनानै जेसेबां बोलो दं खेबसे बिनि खर'आव रुवाजोँ थांखाव होबाय मुफुरा अब्लासो उदिस मोनबाय। 635 अब्ला सानाय मोन्नायजोँ बियो गावनि खर'खौ आखाय फारनैजोँ खुरबाय, लावथआ आरोबाव उनजोँ थानानै फंसे देनानै मेमब्राय होनो सानबाय। 636 एसेयावनो मुफुरा गावनि उदै सिंजोँ बिखौ नुनानै बारसिन्नो हमबाय, थिखोदावनाय आखायनि रुवाया अब्ला लावथनि आखायनिफ्राय बहाबा फिउ थांबाय। 637 बिसोर सानैजोँ नारानाथा बाग्रायलायनायसै मुफुरा बिनि गान्नाय गामसाखौ बिसिबाय, बिनि मोखां आरो उदैफोराव थै गलायजासिनि खुसेरना होबाय। 638 थैहां बरपहां जानाय लावथआ बोरैबा मुफुरनि खानायाव हमनो मोनबाय, अब्लासो बियो रैखा मोनबाय बिनि खानायखौ दाखनि मेब्राय होनायसै लावथआ। 639 बियो बोलो होनानै मुफुरखौ सौबाय सौयै सौयै लोरला खालाम गारबाय, बियो रुवाजोँ दानथारनो सान्नायसै गावनि रुवाखौ नागिरनो हमनायसै। 640 बे समावनो मुफुरा सिखारनानै बाज्रेद बाथेद खांग्रां-खुग्लुबै गोर गोर खारलांनो हमबाय लावथआ गोमोबाय नायहरनानै। 641 लेलाय-लेलाय मोनाबिलि समावसो लावथआ रुवाखौ लानानै सफैबाय, बिसि खाबोथिवा नुनानै हरखाब गाबनो हमबाय। 642 थैहाब लायनाय खैफोदखौ नुनानै नायै नायै गाबनानै थानाया दुखुथिया एबा जोखोम जानाय सुबुंजोँ गुबै बाहागो लाफानाय जाया। 643 बेबादिखौ सैथो घोरोम बुङा बेबादि नुयोब्ला बेमारिनि बिखाया बायफ्लेयो, बे बाथ्राखौ खाबोथिवा मोजाङैनो मिथिगौ बियो गोरबोआव सानखांनायसै। 644 खामसालियाव बष्टा बनानै फिसाइखौ उन्दुनो होबाय, आरो गोख्रैनो बियो खाथिनि बंफां बारियाव हाग्रामुलि लायनो थांबाय। 645 खिनो जायगा मोनलायै एग्रे-बाग्रे हाग्रानिमुलि बेन्दोँफ्राबो नांगौ समाव मानोबा आफोरगि जानो हमो मोनाखिसै खाबोथिवा खाथियाव। 646 बागानाव बिफां नागिर नागिर बियो सफैबाय गोथौ बंफां बारियाव, हरखाब नाङैयावनो फानलु नुनानै फिथाइखौ खाना थेबना लाबाय दबायाव। 647 बिनि उनाव बागनाल बिगुरखौ सिखा खंखायजोँ बियो सैखानो हमबाय, एसेयावनो बिफां गोजौआव उन्दुना थानाय लामाखान्दाया ज्रुम बाग्रुमनायसै। 648 बियो गावनि मोदोमखौ फ्राद खालामबाय खाबोथिवा गुरलुब बागदावबाय जिउ जिउ होन्नानै बियो नुबाय बेसेबा गिदिर मासे लामाखान्दायसो।

Bu şiire çeviri ekle ·

Bu şiiri puanla

Henüz puan verilmemiş

Yıldıza dokunarak 1–10 arası puan ver

Yorumlar

Yorum yapmak için giriş yapmalısın.

Giriş yap

Bu şiire henüz yorum yapılmamış. İlk sen ol.

Sana daha iyi bir okuma deneyimi sunabilmek için sitemizde çerez kullanıyoruz. Kişisel verilerin KVKK ve GDPR kapsamında işlenir; hangi çerezlere izin verdiğini dilediğin zaman değiştirebilirsin.