अरननि दाइरि 4.09 दाउराइनि फिसाजो

934 दान्दिसे सिरि थानानै आरोबाव बिबारिया सल' बुंनो हमबाय- जौसे बोसोर संसार जानायनि उनावबो दांखो आरो मैखि जरासे 935 सिबाय बोराय आरो बुरैया फिसा सासेबो मोनाखैमोन, सानसेखालि बिसोर सानैजोँ जोबोद नांलायनायसै। 936 उनाव बोराया रागा जोँनानै हिमालय हाजोआव घ्यान खालामहैबाय, बेबादिनो बोराया गावनि मुंखौ दांखो साघु मुंजोँ फोसावबाय। 937 बेसेबा बोसोर घ्यान खालामना मोनसे समाव रोजा सान थांबाय, निजोम आरो गोजोन हर सान बियो मेसेबना घ्यान खालामबाय। 938 सानसेखालि दांखो साघुनि घ्यान खालामनायाव दैसे दाउदै सिरि फैबाय, अब्ला बिनि मेगन मेसेबना घ्यान खालामनाया हरखाबैनो दोँस' जानो हमबाय। 939 बियो जोबोद रागा जोँखांबाय बियो बेबादिनो गोजौआव नायदावना नुनायसैदि मासे दाउराया गावनि बिदैखौ बंफां गोजौनिफ्राय खोख्लै हरदोँ। 940 दांखो साघुआ रागा जोँनानै बिखौ साव होनायसै, ''नोङो आंनि घ्यानखौ दोँस' खालामनायनि थाखाय दिनैनिफ्राय बिफांआव बासा बोनो रोँनाय नंलिया। 941 हायावनो बिदै दैनानै हायावनो फिसाखौ फेदेरनांगोन, अब्ला दाउराया बुंफिन्नायसै आंनि गासैबो बिदैयानो जोबोद रेजेँ रेजेँ। 942 नाथाय बे दोँसे बिदैया ओरैबादि गिलिर गिलिरदि आंनि आथिँ आरो खुगाजोँ लुनाय जिगाबनि बासाया थावरियाखिसै। 943 नोँ आंखौ गोरोन्थिनि थाखाय खेबसे निमाहा हो अन्नायजोँ, बेबादि सावखौ दाहोथार आफा आं जुगे जुगे बेबादि दाजाथोँ।'' 944 रागाजोँ दांखो साघुआ दाउदैखौ जानो होन्नानै लानानै फैबाय, अब्ला खिबु फिथेँ दिखारजोँ दाउराया साघुखौ साव होबाय। 945 दाउराया बोरायखौ बुंनायसै- ''नोङो नआव सफैनाय लोगो लोगो थैगोनखि थैथारगोन गनाय नङा नोँनि सावा जेरै फालिगोन आंनियाबो।'' 946 गमामायैनो नआव सफैनाय लोगो लोगो दांखो साघुआ सिलायाव खांग्रांबाय, बेबादिनो बेसेबा दाहाजोँ बियो सिला गेजेरावनो दुब्ला थैगारबाय। 947 आखायाव लानाय दाउदैया थल्थब गोग्लैना बेरफ्रुनानै सासे गथ'नि महर लानायसै जोबोद अनथाव बाथाव गथ'। 948 बियो होख्राव होख्राव गाबोब्ला मैखि बुरैया खारबोना रंजानायसै, नाथाय बोरायनि गोथै सहखौ नुनानै बियो जोबोद गाबनायसै। 949 बुरैया अब्ला गोसोजोँ सानबाय बे गथ'ता बिमा होन्नानै मुलुगनि मानसिफ्रा आंखौ माबोरै फोथायबावनो? 950 मैखि बुरैया गथखौ मोन्नानै आव फिसा सिरिथा सिरिथा बुंनायनिफ्रायनो बिनि मुंखौ सिरिथा होन्नायसै बेबादिनो बुरैया बिखौ खांनायसै। 951 गथआ मानबायनो रोँनायनिफ्रायनो बिजोँ दाउ अमा बोरमा आरो मोसौफोर गासैबो लोगो जानायसै बियो बिसोरजोँनो गेलेनायसै। 952 बियो थाबायनो रोँनाय आरो खुगाजोँ रोजाबनो रोँनायनिफ्रायनो दाउसिन दाउला बिजोँ गेले फैबाय सिरिथाया बेबादिनो बिरनो सोलोँबाय। 953 दैहुनि दैजोँ दुगैनानै समायनायै देलाइ देलाइ थायो सिरिथाया हायनारियै दुलाराइ मिथिँगायानो बिनि महर आरो मुस्रियाव गोमोहाबो। 954 बिनि मेगन फिदिँनायाव मेमब्रां मिथिँगायाबो समायनासिन जाबावो, बेखायनो सिरिथाबादिनो दाउसिनफोराबो समायनायै दुगैनो सोलोँबाय। 955 बिसोरबो देलाइ देलाइ थानो रोँबाय सानसेखालि दुलाबाथा दाउसिना सोलोँनानै दैहुनि दैयाव गोजोमनायनि थाखाय बुरैया बिखौ साव होनायसै। 956 बुरैया बिखौ रागाजोँ बुंबाय आंनि दैहुनि दैखौ गुबुंले खालामनायनि थाखाय दिनैनिफ्राय नोङो हाद्रियावनो दुगैनो नांगोन बेबादिनो नोँनि जोलैया सोलोँगोन। 957 अब्ला दुलाबाथायाबो बुंफिनबाय- ''आंखौ साव होनायनि थाखाय नोँबो फैगोन हरावनो थैगोन'' बेबादि बुंनानै बियो हाग्रायाव थांबाय। 958 बेबादिनो बुरैया सानफिन हफिन बेसेबा दुखु आरो दाहाजोँ हरावनो दुब्ला थैनानै थानायसै थारैनो दुलाबाथानि सावआ नांमारबाय।