बे हराव

गाबोन थाबैनो सिखारना रायजोफोरखौ थाबैनो फोजा नांगौ बिबान मोन्नाय दाउज्ला फेरेँगाया दिनै थाबैनो उन्दुबाय - बहा बहा मोनजाबोखो ओँखामा गावसो मिथिसिगौ बादालिया गोलांबाय गाबोननिया गाबोन जालायगोन - अलसिया लाजिगुसु स्रांगोमा मोसाखावरि हानजाया ज्रय ज्रय गोग्लैसोबाय - बयबो उन्दुलांनाय गुसुनिफ्राय गुसुसिन बे हराव रावबो नुवाखै आंल' नुदोँ आंल' नुदोँ - हिमालयनि खावलायाव थाम्फै दांग्रा दुलाराय खावसे बिनि बिखायाव दाउब' गोसोमा सुनै लखबदोँ - बे हराव आंल' नुदोँ खारखोमानो लामा गैया सेनफाइरि मडेल हागुं माहाजोननि खुवाया बेँबाय आरसिसि बिल्दिँखौ - जानो हागौ निहोर जेरैबो निहोर थिँ उखुम उखुम गाखोना दंसै लंगे बुरैया खोनाबाय नामा? खेबसे खेबनै सानेरदोँ बियो ग्रे ग्रे ग्रे.......।