बुब्लि बाबेनो आंनि खबाम
R
Ronjoy Brahma
0
Altın Yaprak
खावलायाव मोदैखौ बिलिरनानै देलाइजाया
उल्था खारलांफिनदोँ आंनि लोगोआ,
मिथिबाय आं गोसोम ट्रिपालनि फैसालि बिसिनानै
सिगांथिँ आंनि मेगनाव हाजोआ जौखोदोँ।
बिरोँदामिन एबा मोस्रोमबादि जौगानाय नङा आंनि हायुंआ
मोस्रोमाबो हिमालयखौ मानखोनो हायो
अख्रां बिरदावनो उदांआ बहा थांखो?
थाफ्लि बुद्रु बुद्रु रंजानाय गोदोनि
हाजो सेरफाङाव खबाम रिँखांदोँ।
बायगर दाहाया गोरबोआव गोलांनायबादि
गोलांबाय आं खबामनि गांखंआव,
खबाम- खबामनि होस्रिख्रावनाया बहा थाबथाहैयो?
सान आरो हरनि नारानाथा जालायनाय
मोन्नै फैसालि मोनाबिलिनि दरजायाव,
थासारि आरो बुब्लि बाबेनो आंनि खबाम।
मोजां मोनलायग्राफोरनि नागारलायनायनि नोरोग।
बेखौ दान्दिसेयाव फोजोबनो हाया
एटम एबा मिचाइल ब्लाव ब्लाव अरआ,
जाय बाजोआ खेबख्लाबना गाराय खालामो।
गगलिँग' बिखायाव रिँखाङो बावदियानि सेरजाया
बियो जाय गोरोन्थिखौ मावदोँमोन
खबामा उद्रायफिनो दैसानि जिनिर,
आंनि खबामा आंखौ नागार दालांथोँ
गाबोननि मोदैखौ ग्रद लोँगोन आं
दिनैनि सानखौ मेगनाव फोजोँनानै
Bu şiiri puanla
Henüz puan verilmemiş