बिबार जानानै बारग्लांगौ
R
Ronjoy Brahma
0
Altın Yaprak
गोसो-गोरबो सुग्लायहोनो हायै बारआ
दा आजां-गाजां बारबाय थायो
आंनि हावार मोनफ्रो,
उखैनांनायखौ रावबो बावगारनो हाया
बेनिनो मेथाइ रोजाबो हालुवानि गोरबो
आसिननि उनाव खाथि
दैज्लांनि उनाव मेसें। उदै सुफुंनायनि
एफाबांमानि लैथो दावबायो जों
एफाबांमानि लामा दावबायो आथिंजों मथरजों
जेरावबो बे मोनसे बारआनो बारदों-दुंहाव बार
थैजों गोदान महर होनो हानाय नङा मुलुगखौ
बे हराव आं मोजां मोनग्रा अखाफोरा
सादोर बोद्लाना दिन्थिफैयोब्ला मोखां,
आंनि मेगनाव नुजागौ संसारनि समायना
उदां बोथोरनि बार जानानै बारआ बारबोला
साननि गांखं गोबानानै
दावबायारिफोरनि आबुं ओंथिनि मेथाइ रिंखांगौ
बिबार जानानै बारग्लांगौ समायना मिजिं।
Bu şiiri puanla
Henüz puan verilmemiş