बेबादिनो अखानायबाय थायो

बै सानफोरखौ आं गोसोखांहरफिनो मानोना उसिफावनाय रंजानाय गेलेनायजों सावगारि बोदोंमोन जिउनि बेसेबांबा समायनामोन गासै मुलुग आरो अख्रांआनो हान्थुआव गाराय जाब्लाबो आंखाल गैयामोन बिलाइ गांसेनि बुंलाय सोरहा मानिथो आंखालमोन - आंखाल गैयामोन बानलु थाइसे बोथिसे माइरंनि आं बावनो हाया मोसौ गुमग्रा फोथार आरो दाउब'जों फुरहाबनाय सोमखोर माइ दुब्लि जेसेबां गाबामानो जेसेबां दुखु जारलायाव गोलैयामानो बेनो बेसेबांबा साबसिनथारमोन आंनि थाखाय थांखांनायखौ गोसोखांमालाय माबोरै मोनफिनबावनो बेयो थांबाय बेसेबांबा गोजानाव - सहाला आंनि आखाय फारनै जरायबाबो दासानदि पेट्रल डिजेलनि दावराव खारखोमानाय आरो खोमानांनायनि दाहा दिखार बेबादिनो बमा बारुदनि सोदोबजों अखानायबाय थायो बेनि गेजेरावनो थांनांगौ बेसेबांबा गोजान उखुन्दै सौसिनानै आरो थांबावनांगौ बेसेबांबा गोजान लामा