बहाबा गोमाबाय मिथिँगानि जारौ गुसुथि

थिउ थिउ गाबफैदोँमोन दाउखालिर आलंनि बेसरथिलियाव दाखालि जेन'बा गावनो खुगाजोँ अर फोजोँनो हायो आलंआ हाग्रा सावना फेरेँगा लेँहरखालि गोमो-गोथां समायना जाबाय आबाद हादाननि बेसर थिलियाव बेरे-बेरेमा सेसा एनजर गेलेफैदोँ अहाया अहाया बेसेबा समायनामोन मिथिँगानि गुसुथि आसिननि अख्रांआव दंमोन फुरसब जोमै गोगो माय बिदांनि थाखाय दुलाराइ बुहुमखौ स्राय सोमखोर मोसाग्लां होनो मुस्रि गोमाबाय मेसेँनि बिखायाव जुम आबाद आय' आंनि गोदान बुहुमाव दिनैबो अखा हालिया फिथाइनि थाखाय बहाबा गोमाबाय मिथिँगानि जारौ गुसुथि हाद्रि सिथाबनाय बिनि मोखांआव आरो सोलेर गंसे दानख्लाबनाय गाराय गोरान हाया बिफांनि फेन्दाखौ आरोबाव थुब्ला बोखावना नारख्लायदोँ थोरथोर गोजांनाय दिनैनि गोरान दालाइयाव दाहा गोबानाय मासे दाउसिना थेन्थौफैदोँ बिनि मेगन मैखिखौ सुस्रनो नाजायो थरथिँसे निहिर, आय' थरथिँसेल'थार