बिक्रम आ निलकमल ब्रह्म

'बिक्रम अरफे' मुं लानानै थाखोमानो नाजादोँमोन निलकमल ब्रह्मआ सिला बाजोबादि थुनलाइगिरिफ्रा आरो सोदोब सिखाव लिरगिरिफ्रा 'बिक्रम'खौ लाबोबाय मोकथांआव सिनायथि निलकमल ब्रह्म होन्नानै। सिबाय थाखोमानो जायगा मोनाखिसै 'बिक्रम'आ बिक्रमल' जाना थायाखिसै बियो दा निलकमल ब्रह्मनि मुं मोनसे। सावगारि खावनानै दोननाय बादि खुसेरजायै लांदां बिलाइफ्राव लिरबायनानै दोनथुमो दाइयेरिनि खोलोमजोँ, बिक्रमनि सिमाना- 'कबिता हले हउक, नहेल नहउक' बेनोथ' थुनलाइनि फोथाराव खाइजेरग्रा गोफार गिलौ-फालौ सावराय बिजिरगिरिनि रेबगनजोँ 'बिक्रम'आ जाबाय निलकमल ब्रह्म।