बेखेवजेन्नाय फैसालि
R
Ronjoy Brahma
0
Altın Yaprak
बबेनिफ्राइ नुजाफैयामोन आलायारन?
एसेबां बाज्लखांनाय गोरबो हुब्लिरनानै-
खोमसिनि फैसालि फांथेनानै
एसेबांदि समायनायै सावगारि बोदोँमोन
उन्दै उन्दै जिउनि मिजिँ लुफावनानै।
जेब्ला हांसो सिलारिया बिरबोदोँमोन
इनायनो रंजाखांदोँमोन मुलुगनि गासैबो
नुमारैनो बयनिबो मेगन जोँखांदोँमोन
निखावरि आरो घोनि दुलाराइ सुबुंफ्रानो
एरायनो हायै हाथासि जादोँमोन थांखियाव
इनायनो सोमखोर इनायनो गोदान
फारसेनिफ्राइनो बिथराइ खिलिदोँमोन गोरबोआव।
ओँखार बोदोँमोन निजिरा फुंखानि फुवा फुवा-
इनायनि सुदेम खोलो खोलो बारा
सफैदोँमोन बयनिबो गोरबो गोरबो,
आय' बेसे गोदैमोन जिउ बुंजासे
लानानै थांबाय गावनि लाबोनाय गावनो
इनायनो गोमोबाय बयबो आन्दो आन्दो।
Bu şiiri puanla
Henüz puan verilmemiş