बिदिन्थानि गोसोम आखायनिफ्राइ
R
Ronjoy Brahma
0
Altın Yaprak
आं एसेबां दुगा नङादि
बास बेखिनि
आं नोंखौ गोजान आरो खाथिनिफ्राइ
मोजां मोनबाय थायो, मोजां मोनबाय थायो
बिदिन्थानि गोसोम आखायनिफ्राइ
सेख'थारनांगोन नोंनि गोरबोखौ
बियो नोंनि जिउखौ सोबै सोबै दासिमहालागै
नोंनि मावथि आखायनि थै गैयै जालांबाय
मोखां गैयै सोदोबफोरनि थाखाय
गुस्थिफोरा थल्थब सिरिलाङो
खन्थाइखौ आं दा माबादियै लिरबावनांगौ जाखो?
आंनि थादिनाव दा नोगोर जालांबाय
उरां बाफैयो आंनि गोरबोआव
फिसा आरो गिदिर मथरा हाबसनफैयो
बिरोंदामिन खारखाना दामिनसालि
खाबिलिवाला आरो फेरिवालाफोर होंगो-दोंगो
आं बेखायनो एखमबा दुखु जायो एखमबा सुखु
नाथाय दुखुआनो जाथों सुखुआनो जाथों
आं नोंखौ गोजान आरो खाथिनिफ्राइ
मोजां मोनबाय थायो, मोजां मोनबाय थायो
Bu şiiri puanla
Henüz puan verilmemiş