बोथोर
R
Ronjoy Brahma
0
Altın Yaprak
बोथोरखौथ' रावबो फोथायनो हाखाया
फोथायनोबो गोनांथि गैया
दानो बार दानो अखा बारहुंखा सारअन्थाइ
गुदुं गुसु जेबो जेबो
नाथाय बोथोरादि आंगो बेसेबांबा जोंनि
सांग्रां जानांगोन आंगोनि गेजेरावनो
जाय बोथोरखौ जों नेनानै थादोंमोन
फैदों दिनै जोंनि सेराव
गोदै गोथाव गोखै गोखा
सुखु दुखु आखाय फारनैयाव गासैखौबो लानानै
लोगो नों सुखुखौसो लानो ना दुखुखौसो?
बोथोर सफैस्लाबमोनै
सुखुखौनो नांगौ नांगौ होननानै
सेलाइलायनाय मानसिफोरनि थुबुर टिभि सिङाव
है सै गावजोंगावनि गेजेराव दावराव-दावसि नांज्लाय-खमज्लाय
जों बयबो नुनो मोनदों
बोथोरा राननानै होनो सानो सुखु दुखु बयनोबो
नाथाय मानसि दानदिसे दलर जिरायना थानो हाथाराखिसै
मानसिनि खायसोखौनो बारा मोननानै
बोथोराबो सुखु दुखुजों मानसिखौ दाफा होदों खुबैदों
खाफालाव लिरनाय दंखायो होननायबादिसो
सोरनावबा नांबाय एसे सोरनावबा नांबाय बांसिन
थैनांगौ जादों सोरबा
गाबनांगौ जादों सोरबा सोरबाया
Bu şiiri puanla
Henüz puan verilmemiş