बादायनायनि आन्दोआव

दिनै बादायनायनि आन्दो आन्दोयै थामारमाय फंबाय नोँ जसोना कलमनि रेबनाय हांखो नेवसिना? गोथां अख्रां साजोँ, अख्रां गोमसारनाय थामारनोसै नोँ फंबाय हाल एवनाय हालखौ ज्राब गारना नायदावना? दिनै स्लिम स्लिम फाका लामायाव हान्थिनोसै नोँ फंबाय साइकेल बोराय सालायना? जे जे अखा दामब्रानि लुफावनायाव थामारनोसै नोँ फंबाय थुरि जिगाबनि गिजि देरायाव? दिनै गोसोम खोमसि हराव साननोसै नोँ फंबाय हानजा हानजा जोँलारि हार्थखिखौ थर्स सुगदावना अखोरांआव । थानांलिया फंबाय समखौ नेनानै बोथोरनि आबाद बोथोराव माव समा फैगोन, बिफांनि फुलि थमेनबोगोन हासार जोथोन नोँनो होनांगोन साय सायख्लुम नोँनो मोनगोन । इयुन जैलैया फैबाय दिनै अख्रां नायदावना रेबनाय हांखोनि गोथां खालिजोँ... बोला बोला हान्थिनाय लेखा बिलाइजोँ । गेदेमानि हब्रानाय फैला दैथुनाव खारफादोँ दिनै गोगो जोलै साननि सोरांजोँ हास्थायदोँ अखाफोर नायनो । नांलिया फंबाय सम बारहोनो सादा थांखु नानानै नांलिया फंबाय हंखा सोबना गोरा रोदोमनाय बिफांखौ गुलुं होनो । गोरान हाद्रिनि बुहुमाव आरोबाव नांलिया फंबाय बिरहोनो बिषगोनां खुवा ।