एडेन गार्डेननिफ्राय
R
Ronjoy Brahma
0
Altın Yaprak
नोँ आं, आं नोँ
रावबो गैया जोँ सानैजोँल'
बेसेबा समायना समायना
हायना-गोमोना-महिमा
अहाया अहाया बेरायदोँमोन।
नाथाय-
माइसे अनथाव बाथाव
जारौ-रौ खुदुमथाव लाबायथाथाव
नोङो आंनो गियान फिथाइखौ जाहोबाय,
आंबो खुसियैनो जाबाय
(नोँनि फंसेबो नेवसियाखै) ।
हे सना! दाय जाबाय जोँहा
बेनिखायनोथ' दुखु जार्ला,
फैनांबाय जोङो नैबे नोरोकआव
गोसोआव थाहाब थाहाब;
खारै खारै सफैबाय जोँ
एडेन गार्डेनखौ नागारना
दान्दिसे जिरायनो नैबे मुलुगाव।
नाथाय-
नोँ लाजिदोँ...? ?
गोरोन्थिया नोँनिल' नङा सना
बेवहाय आंनिबो दं,
नोँ दागाब सना!
गाबनो दाहो आंखौबो!
सुखु-दुखु रायजो जालांगोन सानैजोँ।
Bu şiiri puanla
Henüz puan verilmemiş