फाइलि गेवलांनो सानो

रावनिबो गोफार नोजोर नाङै गेरेमसा बिफांनि गोगो दालाइयाव फाइलि गेवलांनो सानो बिबार मोनसे बारहुंखा आरो दैबानानि उनाव। फाइलि गेवलांनो सानो सरत बोथोरनि सुदेम बाराव थरथिँसे निहिर साननि दुंबुर बिलिरनायजोँ फाइलि गेवलांनो सानो बिबार। जिरि जिरि बोहैनाय दैसाजोँ स्राय स्राय मोसानो लुबैयो खुस्थरि बाराव खासि बिबारबादि फाइलि गेवलांनो सानो बिबार। दाउदै बिबारबादि गोथार मुस्रिजोँ ओँथि गोनां जायख्लंनि सेराव हालो-दैलो दाउसिननि मेथाइयाव फाइलि गेवलांनो सानो बिबार। मोनसे सिमांआ उन्दुस्रिनायनि उनाव लाथिख'निफ्राय जोनोम जानाय जिउबादि सोमखोर अख्रांनि जारौ फुंआव फाइलि गेवलांनो सानो बिबार। बायगर बामब्लेमानि बेसेबा गोजानाव गोदान आलायारननि सुदेम फुंआव फाइलि गेवलांनो सानो बिबार आबुं उदांस्रिनि गोदै मेथाइजोँ।