फुंजा सोरां जा
R
Ronjoy Brahma
0
Altın Yaprak
आगान फोलावनो हायै
बांग्रिँ खबाव सफैबाय आनि-थानि
ओरै थां हाब्रु, हरै थां हाद्रि
सुज्राय सु हुलुंहुथुं दाहार दैमा।
बे हराव सोर फैगोन-
आंनि गोरान गारमाजोँ हब्रानाय खोनासंना?
आय फै आफा फै होन्नानै
आरो हालिया होख्रावनो एसेबां!
जेसेबांनो अख्रांआव नागिरो हाथर्खि
जोमैया रोजानिफ्राइ आरो रोजासिन
गोबाख्रबनानै लाफैयो बिसोर
बे हराव सोर फैगोन?
मिथिँगाया सोरजिनाय बांग्रिँ फैयोब्ला
हा सिङावनो थ्रोब हाबलांगोन
गोदो गोदो उन्दुलांनो हागोन आं
सार-अन्थाइआ आंनि खर'आव गोग्लैब्लाबो।
नाथाय बे बुब्लिया दिदोम
गोमजोर जमनि बिखाबादि
फारसेथिँ थैनायखौ नेनानै थायो
फारसेथिँ आर'ज फुंजा सोरां जा!
Bu şiiri puanla
Henüz puan verilmemiş