फेरेंगा दाउ जानानै नों फै
R
Ronjoy Brahma
0
Altın Yaprak
नै फेरेंगा दाउ
बिरबोफिनदो नों जोंनि सिद्लाजों,
जिनिरजों मानलानाय खुवामि खुवामि खोमसिखौ
खेबखा खेबफा सोरां खालामफैदो।
दिन्थिफैदो नों देरगासार फेरेंगा दाउ
नोंनि दाउ दन्दा सिख्रा बाजोखौ
होसो होसो दिजायनो हानाय गोहोखौ
नोंनि गांखं बुब्राबना बिरदावनो हानाय गोहोखौ
फोजा मेथाइ नोंनि रोजाबनायाव
गेवरोङै मेगननि मैखि गलि गलि जोबलांथोंसै
दाउदै बिबारनि बारि लांगोनानि सेर सेर
नों मानसिनि गुस्थिआव मिनिनाय लुनानै होफैदो
(आमोखा)नै आंनि जांगिला दावहारु
गोसोम गस्ला खुनानै दिन्थिथार नोङो गावनि बिखा
दुखुनि सान लैथोआव जिउ फोजावनाय सुबुंनि दोलो
नोंनि आखायाव, नोंनिनो आखायाव लोगो
फेरेंगा दाउ जानानै नों फै
उनदुलांनाय खारखोमानाय समावनो थांबाय मावनांगौ हाबा
सानआ नोंनि बिखा सिङाव ओंखारोब्ला
नों दिन्थिफै साननि रोदाजों रोदोमनाय थामोन्थाइ।
Bu şiiri puanla
Henüz puan verilmemiş