गाड़ी थाबथानाय
R
Ronjoy Brahma
0
Altın Yaprak
सम सम बिसि गयस्रिनि सिगांआव लावगाया बुङो-
बोरै जाबावनांगौ जाखोब्रा बिमा?
बै गाड़ी थाबथानायखौ
नारनानै लाबोथाराब्ला खियानो गैलिया जोँहा।
औहाय बिफा आंबो सोमखोरखौ गले गले बुंबाय।
ओरैनो आददा मारि मारि हालो दैलो बोथोरा थाङो।
थेवबो बे गंसे गाड़ीखौनो नारना लाबोनो सम गैलिया बेहा।
बे गंसे गाड़ीयावनो जानाय लोँनाय गासैबो दं।
मिनि मिनि गोसो खुसि जानो हानाय आदार।
सानसेखालि सोमखोरखौ बुंनायसै बिफाया-
फिसा जोँ रसा नांनानै थैनोसै बे मुलुगाव।
जोँनि जानाय लोँनाय सोर लाबोबावनो?
जोँ उखैनानै थैनोसै आय' हाबाब,
बेसे दुखु नांथाव जागोन गसाइ!
थांदो फिसा बे गंसे गाड़ीखौ नारना लाबोदो।
बै गंसे गाड़ीयावनो जोँनि गासैबो दं
दिनै हाया गाबोन हाया नोङो नारनानै लाबोथारदो,
मैयानिफ्राय दिनै आं बांसिन उखैथारदोँ।
उदैयाव रोहो रोहो अरा बिबु भान्दार खामग्लिनो हमदोँ
आरो गाबोन बांसिन खामग्लिबावगोन,
खामै खामै जोँनि भान्दारा हाथफ्ला जागोन
थां बेखायनो बै गंसे गाड़ीखौ नोङो नारनानै लाबोथारदो।
Bu şiiri puanla
Henüz puan verilmemiş