गोबां साननि उनाव

बाथ' दाउबादि नों जेबोला आंखौ नायहरबाय थायो फानजारिनिफ्राइ दिंखिया बिजौबादि थेन्थौनानै थानाय गोसोआ फिन स्रोद स्रोद नायनो मोजां मोनो नोंनि गोमो फास्राखौ नुनानै बोदोर जायो गोसोआ लाइगां गाबनि लांगा दखनाया नोंनि मेथाइ रोजाबलाङो लामा लामा आंनि गोसोआ बोहैलांफायो बारजों सिबथिंनानौ लांजानाय आलायारननि दोंसे देंखोबादि बाङायै आं नोंखौ खाथियाव नुयो गोबां साननि गेजेराव माखासे साननि बुब्लिफोराव खेबफा खेबफाल' आंनि सेरजों एरायलांनाय नुयो नोंखौ नों फैबा दाफै आंनि सेराव फैजानो लुबैयो आं चम्फा बिबारबादि सेराव नों नाथाय आंनि सायखंसो सरासनस्रा जानो हागौ बुजिनो हाया नों आंखौ