गोजां बोथोर - सोरबा नागिरदोँ गुदुं गुदुं

जोँहानि मोसौ हालुवाया लोहो लोहो गं मावदोँ, अनथाव-बाथाव गुंग्राय सुरुकखोदोँ। दामासिनि मुंआव फिसिनाय अमा खासिया बासा बोदोँ, दुब्रि हाग्रा अरखु अरखु। सैमा खालुआ जिगाब नागिरदोँ ओजोँ बावैसो आफाया माय हुंदोँ। बुद्रांनि दाहोना आलु फाजारामा थोर थोर गोजांदोँ, इलामाव दाखालि बायनाय जेकेतआ मेजेरनाय रुवाथि बुगालिजोँ मैला जाबाय होन्ना फेनायाव सोमना होजादोँ। बावैसो सिला बुंजाफा बर'दिन मोसानाय सेँग्रा-सिख्लाफ्रा जोदोमबाय, बिसोरो दा आखाय हांदोँ औवा मुरानि गोजा अरखियाव। नै दासो मोसाग्लांनाय माबा नागिरबायनाय सांग्रेमा एम्फौफोरा एरसोबाय बबेबा बिलाइ गोरानाव। हलाय बोराय आरो जारि बुरैनि सुमलि थकथानि सखियाबो दा गोमसारबाय लामायाव गग्रे गग्रे.... बिसोर जानांगौ बोराय बुरै.... कम्बल गिजि फानफ्रेनो सेलायदोँ .......।