गोजोना दा बेवहाय गैया
R
Ronjoy Brahma
0
Altın Yaprak
दिनै सासे मानसि आंनिसिम फैदोंमोन
बियो आंनाव सोंदों -
फंबाय नों बुंनो हागोनना
गोजोना दा बहा थांखो
गोजोननाय नागिरनानै फैनाय मानसि
बिखौ आं अननो हागौ
नाथाय बे अननायाबो बिनि थाखाय थोजासे जानाय नङा
बिथांनि सोंलुनि थाखाय
आं एसेबां सानहाबनो गोनां जायाखिसै
आं बुंदोंमोन -
गोजोना दा बालाहामायाव थांबाय
बेयो जोंनि गामि आरो नोगोर
माबोरै थाबावनो
जोंनि गामियाव दा सानफ्रोमबो फाथैलाइ बिसियो
बिसि दाबसे फिसाय दाबसे आरो फिसाफोरा बबेबा दाबसेयाव
जोंनि बिदा फंबाय आरो बिफा फिसानि नांज्लायनाय
गामियाव जिनाहारि नोगोरावबो जिनाहारि
लांखारनाय आरो बुथारनाय
खारखोमालांनाय आरो अनजिनायाव गोमाहैनाय
गोजोननाया थाथेरनो हायै गोबां जाहोन दं
उदैनि उखैनाय आरो गोसोनि लुबैनाय
दाबोरफ्रोमबो
नों जेराव नागिरदों
गोजोना दा बेवहाय गैया
गैया बियो बबेबा हादानाव
बियो सिरि सिरि बालाहामायाव खारलांबाय
Bu şiiri puanla
Henüz puan verilmemiş