गान्घिनि अहिंसा मोन्थोरजोँ
R
Ronjoy Brahma
0
Altın Yaprak
आयनि मोदैजोँ थांना थायो
आफानि गोलोमदैनि बोलोजोँ,
आयनि रावजोँ सोलोङो
फोरोँगिरि गेदेमानि मोन्थोरजोँ।
आं खृष्टान जानो हागौ
आं हिन्दु, जैन जानो हागौ
आं बौद्ध, इस्लाम जानो हागौ
अहिंसाया आंनिनो मोन्थोर जेला
गान्घिया जायखौ आंनो होलांदोँ।
आं दावहारु नाथाय-
गुलि-बारूद थुंग्रिजोँ नङा
इनाय अनागारिनि आं
गिख' बिख्लोनि बान्दा नङा।
आं गोसोनि दावहारु
हिंसा अनागारिया आंजोँ थावरिया।
थुंग्रि गैया आंहा थै बोहैहोनो।
बमा बारूद गैया आंहा सिलिँखार खालामनो।
नाथाय गियान दं आंहा आफानि
दुंहावनाय सुथुरनि गुदुं मेलेमखौ
अख्रा सुथुरनि दुथां रागाखौ
थोर थोर दद्र होगोन आं
गान्घिनि अहिंसा मोन्थोरजोँ
बिसोरखौ आं बिजिरगोन।
Bu şiiri puanla
Henüz puan verilmemiş