गोनोखोनि मेलेम दाब्रायनायाव

निजोम खोमसि हराव सांग्रेमायाबो मेँरुथारबायमोन जानांगौ मारुवालिनि RCC बिल्दीँ थिखिनियाव थं गसंना नायहरो आं- थुमा थुमा रेलगारिनिफ्राय गोसोम गोसोम लिरथाइ गैयै थाद'नाय गैयै उखुन्दै खुनायबादि दालिगामिनि सोरकारजोँ सामलायजानाय गोजौ गोलाव नलिनिफ्राय उखुन्दै खुदोँ मोनसेया बांसिन खुदोँ बिमा खालिया लंला सालाय दिन्थिनायबादि बियो ब्लाव ब्लाव अर जोँनायानोथार। नाथाय गोनोखोनि बे मेलेम दाब्रायनाय बुजिया सोमजिया टेक्न'ल'जि साफ्रे सुफ्रे गोसो फिदिँनाय मुगा एबा बैसो गैयै बे बोथोरखौ गोमोआखै आं नायगोनानैबो। सोमो नांदोँ आं आबौनि सोरजिखौ जायफोरा गोमानायनिफ्राय गोमासिनदोँ, जायफोर महरनिबो महर गेजेन नङामोन, सोमोनांथावमोन आबौनि सोरजिया दाहार गैयै लुन लुन उखुन्दै खुलायनाय साफ्रे फ्रे जिगाब बुन्थाया। आं सानो दिनैबो दाबो LMG AK-47 बायदिखौ नांगोल जुंगालजोँ रुजुवाबाबो जागौ आबौनि सेनफाइरि खखाजोँ गोजानै गोजान रुजुवाबाबो जागौ, रुजुजानायबो नङा माब्लाबाबो दानि खेँखाय Umbrella हल्दीँ साथाफोरा आबौनि सोरजि खुसुं बिखुंनि खफ्रिजोँ। बेफोरखौनो सानै सानैनो नाथाय आं दुखु खालामोलै दालिगामिनि सेर सेर खारनाय सान हर सेलेमालानिबादि आथिँ गोबां गोनां गारि मटरखौ नायै नायै आबौ थैनायनिफ्राय गोमालांनाय (माखासे जा दं उरि गुनजेर अरबाय) आबौनि नेवसिजानाय गैयै सोरजिखौ अरायबो सानै सानैनो।