गोरबो
R
Ronjoy Brahma
0
Altın Yaprak
सिबाय अनथाव-बाथाव गोरबोआ
बेसेदि नागिरो सोरनिबा मोजोमसे गोरबो
सान्दुंजोँ खामजानाय मैसोआ दै नागिरनायबादि
थेवबो रावबो बिजिरना नायफेरा रावनिबो गोरबो।
बबेनि बारजोँ नोँनि गोसोआदि बिरफायो-
बाहां-बिरहां मौसुमि बारजोँ एखमबा फागुणी
बावलि गोसोआ गोरबोखौ द्रु द्रु बुद्रुयो
बेखायनो नोँनि गोरबोजोँ दाजाबना हो आंनि गोरबो।
जिउलि नोङो गावनि गोरबोजोँ
आंनि गोरबोखौ निमाहा हो
आरो नोँनि गोरबोखौ आंनो गथायना हो
सिमां जानानै दाजाथोँ सिमांआ।
सानजानि साना सोनाबहानो हाबलांथोँ
नोँनि आंनि सायखंआबो सासेल' जाना थाथोँ
आं आरो मा बुंबावनो?
गोरबोआ गोरबो नागिरनायनि सल'
बेसेरा गोरबोआ गाबो.....!
मोदै आरो खुदैजोँ बिबायारिनि गोरबो!
अनजालुनि गोरबोआ गाबो अनजालिनि थाखाय
आबु उखैनाय गथ'आ गाबो बिमा नागिर नागिर
मावरियानि गोरबोआ गाबो आंगो नागिरनानै
खानाया गाबो मेगननि थाखाय
बबाया गाबो राव रोङैनि थाखाय
गोरबो बेखेवनो हायै सोरनिबा गोरबोआ बेसेरा.....!
Bu şiiri puanla
Henüz puan verilmemiş