गोरबो बुंफबनाय फागुण

दावबायारि आं गेवलांसारनाय लामानि दै गांहाबना दै नागिरनानै नैबे लामायाव सिदोब हाद्रि नुनानै आं सानबाय सोरबा सिख्लानि दैहुनि गसरनाय। मेंनायखौ नागारनानै गोसो आरो सोलेरनिफ्राय लासै लासै थाबायना आं नुबाय ददेरे सोरबा सैनायखौ दैहु फाफेरनाय जोबोद गोरान लामायाव दलर दलर बिनि आगान। आङो दै बिनायबादियैनो बियो बेसेबा अनसुलि गोसोयै होबाय लुनानै आरो आं गांगाजासे लोँबाय ग्रद ग्रद आखाय फारनैजोँ आजावनानै। नोँनि मुं आरो महर मुस्रि नोँनि आखल-दावोल गुरै गोसो दैमुनि दैबादि गोगो गोजोँ गोरबो आं नोँखौ बेसेबा मोजां मोनबाय सैनाय। आं मिथिगौ गोरान लामाखौ दैहुनि दैजोँ गिसि सिदोमा खालामनो हायाब्लाबो आंनि गांनायखौ गांगा होनो हायो नोँ आंनि गिलिर गुस्थियाव रंजानाय लाबोनो हागौ। रजे नोँखौ जिउजोँ गोसो थोनानै जिउनि मेथाइ रोजाबनो सोलोँबाय आं जिउखौ लानानै गोरबोनि बामखआव अराय गोजोन जिउनि मिजिँ रनसायबाय।