गोरबो इसिंनिफ्राइ- 160

दिनै खैफोदआ आंखौ अन्नायजों अन्नानै गोबा फैब्ला गसाइ आंहा मा राहा दंदि नों बेखौनो होदो आंनो बे गाबनायाव बे आंनि दाहायाव गसाइ आंहा मा राहा दंदि नोंखौ दाख्राय दाख्राय आर'ज गाबनो गसाइ बे गाबनायखौ हो नोङो खैफोदजों जुजिनो हायाब्ला खैफोदखौनो गोबानो हायो जैरैबा नों गियानखौल' हो गसाइ नोंनि आगानखौ आं खोनानाय नोंनि गुमुरखौल' आं मिथिनाय गाबनायखौ बे दाहाखौ आंनि गोरबो थानानै गोरबोजोंबो गसाइ हमथानो हाया जायोब्ला नों मेंग्लिनायखौल' हो गाबनो गोसो जायोब्ला गोजोनै खेबसे गाबथों मिनिनो गोसो जायोब्ला खेबसे गोजोनै मिनिथों बे गोहोखौल' हो नोङो आंनि थैनायखौ सैनो हानाय आंनि गिनायखौ फोजोबनो हानाय नों गोहोनिगिरि आंनि बुजिनायखौल' हो नों गसाइ आंनि मिथिनो हानायखौ हो। 04/12/2015 लजिंआव