गोरबो इसिँनिफ्राइ- 208
R
Ronjoy Brahma
0
Altın Yaprak
आय' सनाजोँ रुजु जाया
हिरा मनि-मुक्टाजोँ रुजु जाया,
नोँ आंनि अराय लोगो
दुंबुर जानानै थायो बिखायाव।
बुहुमा बेँखन्ना लानायाव
बुहुमनि अरन गेजेराव थानानै,
नोँखौ सानफ्राङो बावदा गोसोआ-
महर गैयै गुण गैयै होन्नानै।
गावफ्ले रोङै से सैथो नोङो
दोरोद रोङै नोङो,
गोरोन्थिया गोरोन्थियानो-
नोङो नाथाय गोरोन्थि नङा।
खोमसियाव जेब्ला जोङो आन्दायो
जेबो जोङो आदुवा जायो,
सोरां जानानै नोँनि खुसियाव
जोँ अब्ला नुयो गासैखौबो।
जेरै लुबैयो गोसोजोँ जोङो
सान नोँनि दिन्थिनायाव मोनो,
सैथो नोङो, जामनो रोङै नोङो-
सैथो सोलोँसा खालामदो जोँखौ।
01/12/2016
Bu şiiri puanla
Henüz puan verilmemiş