गोसो खांदोँ- 2006
R
Ronjoy Brahma
0
Altın Yaprak
समा जाबायमोन मोनाबिलि
सिरिद-खिरिद गुमा एम्फौफोरा
गाबस्रावदोँसैमोन हानजा हानजा,
नै घन्टासोल' जादोँ
आब्रा अखाया नागारनाया।
आफाया जौ फाग्ला
माने जुमाय सोबग्रा,
माब्लाबा माब्लाबा
हरथौहाब हरथौहाब
मोनामब्रुं लाना फैयो हां।
मोनाबिलिनिफ्राय आरोबाव खोमसि
अब्ला होरलां-होरथां
आफाया
साइकेल बोरायखौ नारबोयो
सिनाय मोनै आनज्रो आनज्रो।
दं आं रागा जोँहाबना
सान्नाय गैयै आफानि हेँथायै
माने मोनामब्रुं बैनि हेँथायै।
मोसौआ गलियाव मासेबो गैया
सिबायफ्रा लेवार-थाम्फैनि
बै दुब्लिबारियाव।
जोँहाबना नाथाय रागाखौ
बुफ्रुबाय आं,
मोनामब्रुं हां लानाय आफानि हेँथायै।
अननो गोसो गैया?
मोसौ मासे खाया?
होसोबाय आफाया
गंसे लावथि लाना।
हरफामानि थाबाय आं
लामानि दुफबनाय हाग्रा
खरसे हाखराव।
Bu şiiri puanla
Henüz puan verilmemiş