गोसोनि सन्देह
R
Ronjoy Brahma
0
Altın Yaprak
सिरियै नोँ सिरियै आं
नोँबो आंखौ आंबो नोँखौ
गाबगोन आं गाब्बायै थागोन
नोँबो आंबो बिखा गावलांगोन।
नोँ आंनि लोगो आंबो नोँनि लोगो
नोँ आं आंबो नोँखौ
सिरि सिरि मोजां मोनलायनाय।
आं नोँखौ नुवाब्ला थानो हाया
नोँबो आंखौ नुवाब्ला गोजोना,
आं जेसे मोजां मोन्दोँ
एसेनो आं रोँसिनलांदोँ,
नोँबो आंखौ जेसे हास्थायदोँ
एसेनो समायसिनलांदोँ,
नाथाय बिखा गावथाव
खामग्लि जानाय बियो जरासे
दोहो दोहो बबा बबिसो।
मानोना नोँ आंनि लोगो
आंबो नोँनि लोगोसो।
आं मिथिगौ-
नोङो आंखौ मोजां मोनो,
जानो हागौ नोँबो मिथिगौ-
आंबो नोँखौ मोजां मोनो,
नाथाय लाजिनाय गिनाय दं
बेयो गोसोनि सन्देहबोल'।
Bu şiiri puanla
Henüz puan verilmemiş