गावनिनो आखायनि दोहोन
R
Ronjoy Brahma
0
Altın Yaprak
आरोबाव खोमानानै लाबाय
गुरसे समायना बिखा गावनिनो मोदोमनि गांफोरखौमानि
थल्थब गलांबाय सनानि दाउदै
गोरलै आखाय आथुमनिफ्राइ लैथोनि थालायाव
सैमाजों अरनो होसो जानाय
बिबायारि जाबाय
मिनिजाबाय राजानि बान्दिफोरजों
लरेद मावरोङै अख्रांआ
मेगन बेरलाव दिनथिनानै लेंहरदों
गावनि बामखआव गोबानानै लानो
नाथाय गावनिनो गांफोरखौ खोमानानै लाबाय नोङो!
आह!
मुगा मिथिरोङै उनदुलांनाय हां लारोङै जोंनि
लोगो फायखिफोरनि मोदोमाव
सिमां सुजुबाय थामफै दांगोराफोर
बयनिख्रुइबो गुफुंसिन जानो लेवार-बेदलावफोराबो सानदों
मोन्थाइ गोबानाय लेखा जिख्लाबाव
मेथाय जुनानै जानांबाय उदै मोलोमै
गोमोरलांहां हांखो मानसावगारि आरो फाण्डुलिफि -
गावनि आखायनि दोहोन जोंनिनो
दा मोन्दांथिया बेल' लोगोफोर
गुरनै समायना बिखा
देहानि जरा दंनायमानि ओंगो खोमानो दासान
बायहाजार दोहोन सोरजिनो हायो जों बेजोंनो
मोन्थाइखौ गावनिनो थै होननानै
Bu şiiri puanla
Henüz puan verilmemiş