हाबिला गोरबोआ
R
Ronjoy Brahma
0
Altın Yaprak
गोजोँ साननि सोरांजोँ
दैसाया ख्लाब ख्लिब मोदानदोँ,
फिथाइ खेबख्लाबना मेँनाय
दाउसिनफ्रा दुगैस्रां-लोबस्रां देलायदोँ।
निजोरानि बिखायाव थब्ल'नाय
रिजि रिजि मिनिस्लु अन्थाइफोरा
आंनि लोरबां गोरबोखौ मिनिस्लु होदोँ।
देमग्लाय बिफांनि दालाइयाव दिन्दां
माख्रा-बेमाया सान्नायनि दोहौ बोदोँ
लुबैयो आंनि गोरबोआ लांदां अखोरां बिरनो
आरो जोँनाय जोँमानि गुमुर संनो।
हाबिला गोरबोआ लोगो जानो
बिरबायना थांनो फुरियाव दाउसिनफ्रा जेरै,
बिरै बिरै मेँख्लाबब्ला थरथिँसे गोगो दै लोँनो
दान्दिसे जिरायना दालाइयाव आरोबाव बिरनो।
आं गोसोजायो मुलुगखौ गिदिँनो आरो
दुलाराइ अख्रांखौ गोरबोजोँ गोबाना लानो
Bu şiiri puanla
Henüz puan verilmemiş