हाग्रा बिबाराखि मिनिनो रोंगौ
R
Ronjoy Brahma
0
Altın Yaprak
मैगं-मैला बुथुमनायनि सम दुंबुर एबा सुदेम मोनाबिलिआ
बे समाव सिख्लाफोरनि खोमा खोमा सिफुं सुयो मौसुमि बारआ
जिरोन गैयै गोसो हगारना बाज्लबाय थायो औवानि बिलाइ
अब्ला मावख्रुब-दांख्रुब गिदिंबोफिनो नआव आबादारि
मोनसे बोथोर जोबनायनि उनाव गुबुन मोनसे बोथोर
आंनि आथिंफोरा दा लावलांबाय थायो गावनो गाव
थाङै थाङै आंनि खोमायाव दा बारआ स्रोद बुङो
थांनायनि आनबिक दावहायादि बेसेबां गिलुबालु
आं दाबो बिमानि आहार नागारगोदान सासे खुदिया
रांखावरि गोनांआ खुबैदावनाय सख्लेदनि सायाव बेजाय नोजोर
उनदै समाव एनजर गेरग' जमबाय थानाय समाव
जिबौ फिथिगमआ दों दों फैनानै आखायाव मानला फैयोमोन
खन्थाइगिरि; नोंथांनि खन्थाइनि सोदोबा जालाय-जाखाय
बालाहामायाव बोहैहोयो गोथार गंगा दैमा जमुना
मालदिपआव फसङो हिमालय नङाबा एभारेस्ट हाजो
हाग्रा बिबारखौ बरनायख' हायै मिनिहोयो मिनिस्लु गोदै
दानिया आं गसंनानै गोदानै बुंनो मोनसे बाथ्रा जुरियो
जायनि आखायाव मुथासे मायज्लि बिथांआ आबादारि
सोरबाखि हाग्रा बिबाराखि मिनिनो रोंगौ आवसाव
नंखायथार बेयो नंखायथार। अख्रांआव गोदान खुनथ्लाइ
Bu şiiri puanla
Henüz puan verilmemiş