होसिनो गुरगुजिया हरा
R
Ronjoy Brahma
0
Altın Yaprak
दावहारुनि मैखि खानो रोङै मेगनाव
ख्लाब-ख्लिब महाभारतनि हर
ग्रुम ग्रुम फारनै खोमायाव रिंदों आरो रिंदों
मुलुगमा दावहानि अखा खोरोमनाय
गोजावबोयो दावहारुनि स्लगान
नारा-नाथा दावहायाव बारसोमनायनि
फ्राब फ्राब बाब्राबो फिरफिला
उदांनि बारजों अख्रां गोबानो।
नाथाय बे हराव सुरियो सुरिलाङो
जुब जुब थैनि अखाजों
आरो दाखासे थैसाम उन्दुलाङो
माब्ला गलिगोन रायजोनि थै बर'फ?
दिनै साननि गोसोम मोखांआ
अन्थाइ बिखा फलाननि हर जाबाय;
उदांनि लामायाव दावहारुनि थै आगान
रिंखाङो आंगोफोरनि जेननाय।
फिन दावहारुनि आगान संनानै
बर'फ जानाय थैया दुंखांफिनो खेबसेबाव
बाराव बिरबायो हज्रिख्रावनाय खुद्रिनायफोर
मुलुग गिदिं गिदिं बिखा खामो
दिनै सोर बुस्रांगोन खोमसि?
जुजियो हरजों
बे हरनि खोमसिजों
जुजियो हाजासे बे खोमसिनि फलानजों
बे फलाननि अन्थाइ बिखा गुलिजों।
थेवबो गले गले जेनो दावहारु जोंनि
हाखर गोबायो
जोमैयाव आन्दायबायो बिनि देरा लुनायनि सिमां
लैथोआव गोजावलाङो बिगोमा गैयै जानानै!
होसिनो गुरगुजिया हरा उनदुलांनाय
दावहारुनि मैखि खायै मेगन
साननि मोखां नुयै मेगन
उदांनि बार मोनै गोसोखौ सैनानै दोनो ख्रोसआव!
नै आंनि अनजालु जोहोलाव!
दा जोंहा अख्रां फुवारनो
नांगौ गोसोनि थालिम
जिउ दावहानि गुबै थालिम
Bu şiiri puanla
Henüz puan verilmemiş