हास्थायनायखौ गोरलैयैनो सोरबा नागारनो हायोदा
R
0
Altın Yaprak
माब्लाबा फांसे बिफांआ जाख्रिसे अखाखौनो नेनानै जिउ नागारलाङो
आबाद फोथाराव आबादफोरा रानज्रिंलाङो
बेबादिनो जिउनि थांखि जाफुंहोनांगौनि बाथ्रा साननानै
देहा मोदोम गासैबो लोरबां जालाङो सासे सुबुंनि
हास्थायनायखौ गोरलैयैनो सोरबा नागारनो हायोदा
नागारनो हायोब्लाथ' बुंनांगौ थानाय नङामोन
गासैबो जानांगौफोरा जानानैनो थाङो
मिथिंगानि नेमखान्थियानो बेबादिनो
जों बुजिस'नो हाया
बुजिनो हायोब्लाबो गासैखौबो मानिजोबनो हाया
जायखौ मोननो हास्थायदों
बे हास्थायनायखौनो आं नागारनो हायाखिसै
बेनि इयुना मा जाहैगोन
मोननाय ना खोमानांनाय
दुखुजों जोबहैगोन ना सुखुआव जोबहैगोन
आं अखा नेनानै थानाय फांसे बिफां
लामानि सेरावनो गसंनानै दं
मानसिफोरा आंनि बागै बाथ्रा सावरायलांबाय थादों
आरो आं अखानि थाखाय आर'ज खालामनायखौ नागाराखै
Bu şiiri puanla
Henüz puan verilmemiş