हावरियाखौ हावरियानो मुगैयो
R
Ronjoy Brahma
0
Altın Yaprak
गोबाय गिजि गंसे देरायाव
फेरलेब फेरथेब हिनि साब्रै हावरिया
बोसोर बोसोर जाबाय गामियाव।
सानै गथ'आ गय दनायखं बुथुमो
हराव हरफा बिजाब फरायो
- फिसा सिमां नुनाया फाफ;
बिसोरो बेखौ मिथिगौ।
सासेया सिबाय रुवाथि थाहैनांबाय
बिफाया सुथुरनि गुलियाव थैलांबाय
खोनायो सानसे हादर सिबियारिमोन।
हावरियाखौ हावरियानो मुगैयो
घोनिया घोनिसिनखौ मेगन सायो।
सोलायाखै दाबो सुबुंनि सानस्रिया
घोरोम बुजिनाय गियाना हाब्रुआवसो
गोदोदोँ दाबो गोदो गोदो।
सियाल मासेबो फैया
दाउ अमाया गैयाब्ला बहा फैनो?
सैमा मावजि मासेबो फैया
ओँखाम खालाय मोनजाहाब्ला
बहा फैनो बिसोरलाय?
सोर दं खाथियावलाय
गासैबोसो गरसे हावरिया
घोनिया गोरिबखौ सिनाया
हावरियाखौ हावरियानो मुगैयो।
Bu şiiri puanla
Henüz puan verilmemiş