जेबोआनो अरायनि थाखाय नङा
R
0
Altın Yaprak
गाबनो सम हो जेबोला आं गाबनो गोसो जायो
मिनिनो हो जेब्ला आं मिनिस्लु मिनिनो नाजायो
बाथ्रा बुंनोबो सम हो
खोनासंनो थाखायबो सम हो
मुलुगाव जेबोआनो अरायनि थाखाय नङा
गेदेर गोलाव सुबुंफोरा बुंलांदों
गावनि लोगो, बाय-बाहागि, खुरमा-बंस
बिमा-बिफा, बिसि-फिसाखौ मा बुंबावनो
गावनि आगोमा जिउआबो
माब्ला नोंनि देहाखौ नागारलांगोन बुंसनो हाया
बेनिखायनो थांनानै थानो नांगोन जाखिनि सम दं
गाबनायनि सम फैयोबा गाबनाय
मिनिनायनि सम फैयोबा मिनिनाय
थांनानै थासान्दि गासैखौबो नांगौ
सुखु आरो दुखु गासैबो गोनां
आं मुलुगखौ सिनायनो हाबाय
बियो गावनि गोबोदिनो महर सोलायो
गावनि गोसोबादिनो फेन गस्ला गानो
गावनि गोसोबादिनो बियो मोसायो आरो बोराबो
अननाय आरो खुद्रिनाय गासैबो दं बिनियाव
बेनो मुलुग संसार
बेनो बुंस'नो हायै समायना
Bu şiiri puanla
Henüz puan verilmemiş