जुग जुखांनायाव

मोसादोँ हायला-हुयला खुसियाव हनै हनै गोमखांनाय खोमायाव- रावबो थायाखै दुखुआव जिउनि हाथास गोबानानै- रंजादोँ बोदोर मागो बरायनायाव मेथाइ रोजाबनाय खुगायाव देँखो बोयै बोयै। गोमो गोथां बेसर गाब जोमफब समायना दखना फास्रा लोगो लोगो हनै मिनिस्लुदोँ - गदाय बेसर बिबारा। फैलाव फोथार दुब्लियाव गांसो सावलेनाय मोसौ हालुवा हनै हनै गोमोहाबदोँ- बैग्रि फिथाइ खेबख्लाबनाय दाउसिना रंजानाय लोगोसे जोँनि खुसि खुसि लावखार ओँखाम जानायखौ। रंजादोँ बिसोरबो गांखं बुब्राबना नाथाय बिसोर लाजिदोँ लावखार ओँखामाव बाहागो लानो बिसोरो मोसादोँ बिफांनि दालाय दालाय।