जिउनि अखाफोर बेन्दोँ

गाबै गाबै फिन आं मिनिस्लु मिनिदोँमोन आयनि अन्नाय बिलिरनायजोँ, बेसेबा रोजा सान गिदिँबाय आं जोनोम जिउनि मिरुबिन्दो नागिरनानै। खारै थाबायै हान्थि हान्थि लैथोमा गेजेर मोनफैबाय आं, गारबोनाय बै बिदिन्थायाव थांफिन्नो जोबोद नाजायो हालिया जाबाय। अखाफोर बेन्दोँआ थाथेबाय थांनो लामा गैया मेगनजोँ नुहरला, आरोबाव आं हान्थियो आंबादिनो समायना रमायना इयुन बिदिन्थायाव। मिथिगौ बिनिबो सिमा दं अखाफोर बेन्दोँआ बेवहायबो गसंगोन, आरो आं अखाफोर जानानै थागोन दिनै थाखोमा गाबोन नुजानानै। अखाफोरबादि आं खेबसे फुर्णिमा खेबसेबा खोमसियाव कृष्ण पक्ष, मानोना सिमा दं बैसोनि सिमा गोमोथाव अखाफोर बेन्दोँनि सिङाव।