खोमसि हरा सोराङा

गोसोम गाब खोमसि हरा दिनै सोराङा खुवा खुनाय हाद्रिनि बुहुमाव दिनै गैया गोजोना थाद'आ । खोमसि हरा दिनै मानो सोराङा गिथाव बुहुमाव मानो गोजोना गैया रिथि रिथाव उन्दै सांग्रेमाया जानांगौ मेँबाय बेसे बिरनो थाद'नाय गैयै । एना एनि रानस्राव बुहुमाव जिबि गोमालांदोँसै फारि फारि समायना मिथिँगा आय' अर नांबाय गोरान हांगार जालांदोँसै । आय' सोरनि बिथोनजोँ जोँ सोलिदोँसै सोरनि मददजोँ जोँ अगेन खामानिखौ मावजेनदोँसै सोरजिगिरिखौ दिनै सोर गनायदोँ जालांबाय बुहुमा रानस्राव फारि फारि.. जागायबाय जोँनि गामिया लान्दा खान्दा । आय' जेब्लाबो गिखांसै आं सानोबोला जाबावगोन नामा आरोबाव 'महाभारत'...? फैबावगोन नामा बुहुमाव खेबसेबाव...? अरगेँ महरै मुलुक दावहा । गोगो जोमैखौ सिँखावनानै बिरलांबाय रकेट गुसु बारखौ नारखोनानै बिरदावबाय उरां जाहाज हा गावस्रानाय बेरफुबाय दिनै लुन उखुन्दै मुलुक नाङै साग्लोब्बाय दिनै खुवा महरै गोसोम उखुन्दै गावनि फिसानि आखलखौ नुनानै दिनै लाजिबाय अबं गशाइ ।(12/11/2013)