खन्थाइया रावबो नङा

खन्थाइनि बाथ्रा सोङोब्ला अख्रां गंसे सोरजिग्रा ब्रजेन्द्र कुमार ब्रह्मआ जौसांआव गसंनानै बुङोमोन - माब्लाबा माब्लाबा दोंसे खन्थाइ सोरजिनो थाखाय बोसोरनै गाहाम सम नांगौ जायो माब्लाबा फंसे बाथ्रायानो हरखाबैनो दोंसे खन्थाइ लाबोयो एसेबां समनिबो गोनांथिबो जाया असिमिनजों मा एसेबां सिनायज्लायनाय दंमोनथाय बिथांहा बेखायनो गावनि खन्थाइयाव लहाबो सोफादेरदोंमोन माब्लाबा रकेट आरो एटमखौबो नागाराखै बियो आदम आरो हबानिफ्राइ जुरिजेननानै बिबारि गावदां सांग्रेमा एमफौ निल आर्मस्ट्रं गेलेलिव निउटन जोंनि इसान मुसाहारी नीलेस्वर ब्रह्मनि नाइलननि मोखां दुमफाव आरो आबै खुजि हुयजि मोखां रावनिबो महर आरो गोसोनि बाथ्रा मोनसेखौबो नागाराखै बियो खन्थाइनि थाखाय दिनैनि सानआ खन्थाइनि सान गोसोथोनाय आरो लहानि बाथ्राया थाथों दिनैनि सानआव आं नागिरनानै मोनो दोंसे खन्थाइ खन्थाइया नाथाय रावबो नङा जोंनि बयनिबो थाखाय अख्रां गंसे सोरजिग्रा बे अख्रांखौनो जों बयबो अराय हास्थायबाय थायो जेराव जों उदाङै हां लानो हायो