लफायग्रा आरो लफायजाग्रा
R
Ronjoy Brahma
0
Altın Yaprak
उन्दै समाव आं जेब्ला रंजानो सोलोँदोँमोन,
आइया आंखौ द्रुद्रु गय दनायखंजोँ बोदोँमोन।
आरो आं गुस्थि थर्लाला जादोँमोन,
''ब्रुं ब्रुं ब्रुं'' होन्नानै दुखु गैयै सोर्गो सायाव।
हाबाब दिनै जेथो नांदोँ मोखांआव,
जेथो नांदोँ बेसेबा आंनि गोरबोआव।
जिबौ बामोननि उदै खंख्ला उखैनाय,
फारसेथिँ थांनानै थानो लुबैनाय एम्बु थेरेनि।
सोरखौ आंगोसिन खालामनो आंलाय?
बेखायनो मेगनखौ मेसेब गारबाय आं,
खोमसि खोमसि सांग्रेमा हाबनो हायैयाव।
जेराव आंनि अनगा रावबो गैया,
अदेबानि गासैबो आंबायदिनो खानाजोब।
आं आरोबाव नायनो हास्थायलिया,
लफायग्रा आरो लफायजाग्रानि मोखां।
लाथिख'निफ्रायनो उजिदोँमोन आं,
फिन गोमागोन लाथिख'नि बिखायाव।
Bu şiiri puanla
Henüz puan verilmemiş