लाहारि सार (Manaranjan Lahary)
R
Ronjoy Brahma
0
Altın Yaprak
लिरदाव लिरदाव लिरगिरि जाबाय
खन्थाइगिरि, सल' सल'मागिरि जाबाय
मुंदांखा सावरायगिरि, बिजिरगिरि
थुनलाइनि साहित्य एकादेमी बान्थाखौबो मोननो हाबाय।
बेसे नाजानाय बियो सार- नोँनि!
गांसेनि उनाव गांसे
मोजांनिफ्राय मोजांसिन
गोबां सोरजिबाय नोङो सार।
फुंबिलि समनि सेर सेर
ड॰ हाज'वारि साराबो नायखोमायोमोन
लाहारि देरानि खथायाव नोँदि मुखुब,
बेसेबांदि सोरजिलु गोसो मोदोम।
नोङो थारैनो गेदेमालै सार,
आंबो दिनै बुंगारो फोथायना,
नाथाय-
नोँ नांगौ थारैनो
बिजिरनायनि आन्थोर दिन्थिना
इयुन जोलैखौ थुलुंगा होनो
थारै नोँ जोनोम लादोँमोन।
बिबुंगिरिनि उनाव बिबुंगोरा
आलासि बिबुंगोरा,
गोबां सरकारी बिबान,
लाइसि- बिसम्बिनि उनाव
सावराय लाइसिनि सुजुगिरि,
हारि जौगालुनि गेदेर मासि
आफादगिरि नेहाथारि जादोँ,
सोद्रोमानि उनाव सोद्रोमा
गोबां गिलिर बिबान बानदोँ,
नोँ थारैनो गेदेमालै सार
सानसेनि उनाव सानसे
खेबखां खेबखां गिदिर- नोङो
थुनलाइनि जारिमिनखौ लिरबाय
नोँ थारैनो- गेदेमालै सार!
मिथिगौ नोँखौ गेदेमा- लाहारि सार।
Bu şiiri puanla
Henüz puan verilmemiş