लैथोमा गेजेराव दै खावखांहां जायो
R
0
Altın Yaprak
नोँहां गां दं मानोना रजे
नोँ सिख्रिसिख्ला मुहुनि गोनां,
हायेन हायेन बिरबायो नोङो
लाजिगुसु नोँ आंनि गाथोनाव रजे।
सोर्गोनि दिङाखौ जावबाय दिङारि आं
लैथोमा गेजेराव दै खावखांहां जायो,
नोङो दै गुथालनि सायाव गेलेयो
आं गोमोहाबो जोमै गेजेराव।
गोमो-गोथां बेसरबारियाव रजे नोङो
गां फुवारना रंगिना-रंगिना बिरबायो,
बेरे-सिखिरिबादि खोमा खोमा रायज्लायो नोङो
बिबारफ्रा मोसाग्लाङो गां फुवारना।
आं गोसोथोयो जायख्लंनि बिखा गेजेराव
नोङो आगर एरबावो मिजिँनि,
आं लुबैयो नोँजोँ गेलेनो रजे
खोलो खोलो बारनाय सुदेम बाराव।
ना एलेँगानि जुलिसे दावबायनाय
आलो आलो बोहैनाय गोगो दैमायाव,
आं गोसोजायो रजे नोँजोँ
सनानि देरा लुनो फामे बुहुमाव।
नोँहा गां दं मानोना रजे
हायेन हायेन बिरबायो नोङो,
सोर्गोनि दिङाखौ जावबाय दिङारि आं
लैथोमा गेजेराव दै खावखांहां जायो।
Bu şiiri puanla
Henüz puan verilmemiş