मोकथांखोर हाजोनि सेर सेर
R
Ronjoy Brahma
0
Altın Yaprak
समायना माय दुब्लि फसंना
रुजु-रुमु संसार जादोँ
आदै बांबुर, आयं लावगा
दाबदं, मैनास्रि, खबारिमोनहा
ग्रोम ग्रोम गावबुरा हालमाजि समाज दानानै।
बेसोरनि सेर सेर
आंनि आफायाबो थेला बोदोँ
सानसु हाथाइनि जालु बाजाराव
लावख्रि, लालि बनखौ फानहैदोँ।
मोकथांखोर हाजोनि खोला सेर सेर
आब'-गुमै, आदा-बाजैमोनहा
उखुन्दै खुलायनाय गाड़ि सालायदोँ,
बाला अन्थाइ बुथुम बुथुम
आरसिसि गोदान मडेलनि न'लुदोँ।
दिनै सहर बन्दरनि खामखोन्दा
गाड़ि मटरनि उखुन्दैया
जोँनिसिम मोनामफैदोँ,
गोजौ गोजौ आरसिसि बिल्दिँनि
थिँ जोँख्लाबनाय मोदान फैदोँ।
हरखाब आफाया नुहरोब्ला
थफ्ला बोननो गोसो जायो,
आरोबाव हादान सिफायनो
बेसेबा गोख्रै हांखुर जायो।
मानोना दाबो दं बेसेबा-
गोम गोम अरन
मैदेर मोसानि खुलि
बिसोरनि समायना गेलेग्रा थिलि
मोकथांखोर हाजोनि सेर सेर।
थखन थुनाय रान्दि आबैया
दाबो राजि बुन्था सानो
गंनैसो दाबखा दोखौ रुजुननो।
मोसा अरजाना लेँग्रा जानाय आदैया
दाबो थियारि मोसौ हालुआखौ बोनो
नांगोल-जुंगाल फाफ्लियाव हरनो।
Bu şiiri puanla
Henüz puan verilmemiş