मानो रायदावा
R
Ronjoy Brahma
0
Altın Yaprak
अ' आंनि सना
नोँखौ नुब्ला गोरबोआ
फाग्ला जायो
मेगन बेस्रां खानाय रुम्बां
आदै मद' बिखा फांदां
बासि हाया आंलाइ
सना नोँखौ।
आं हाया सना
नोँखौ बावगार लांनो,
आं हाया सना
थानो नोँखौ सानाब्ला,
आलो आलो बोहैलांनाय
दैमा दैसा निजोरा
गोजोनग्लायो सना गोरबोआ
आंनि;
सारि सारि बिफां सारि
लारि लारि हाजो लारि
गोजोनग्लायो आंनि
मेगनाव हायना।
साना दोबैलाङोब्लाबो
गैया खोमसि गोरबोआव,
नुयोबोला सना नोँखौ
गोदै मिनिनाय,
लासै लासै थाबायलाङो
आंनि गोरबो लांगोनाजोँ
अबोलाबो नोङो आंखौ
मानो रायदावा।
Bu şiiri puanla
Henüz puan verilmemiş