मोननाय आरो खोमानांनायानो जिउ
R
Ronjoy Brahma
0
Altın Yaprak
मोनो मोननांगौ गैयाब्लाबो माब्लाबा माखौबा
मानसिफोरा गावसोरनो एमब्रा एमब्रा जासिनानै होफैयो
माब्लाबा मिथिंगाया
नाथाय सान आरो हर हास्थायनानैबो जायखौ नांगौ बेखौ मोननो हाया
बेवहायनो दान्दिसे सुखु आरो दान्दिसे दुखु
माखौबा मोननायनि उनावबो खोमानानै लानांगौ जायो
माखौबा मोननायखौनो मोनफ्लेबाय थायो
सम सम बबेबा मोनसे बुब्लियाव सानफ्लांलाय लाङो
जिउआ एसेबां मिनिथावना?
नाथाय जिउआ बेबादिनो जोबोद दुखुनांथावबो
सम सम सानफ्लाङो फैगौ जोनोमाव मिनिनो आरो गाबनो रोङै
थाइसे अन्थाइ जानानै उजियोबासो हामसिगौ आं
गासैबो बाथ्राफोरा फंसेयावनो जोबा
उल्थां-फाल्थां साननानै नायोब्ला
मोनफ्रोमबो बाथ्रायानो फारसेथिं मोजां फारसेथिं गाज्रि
जिउआबो बेबादिनो मोननाय आरो खोमानांनाय
मोननायल'दि दं बे नङा
खोमानांनायल'दि दं बेबो नङा
Bu şiiri puanla
Henüz puan verilmemiş