मोनसे गाग्लोब जानाय
R
Ronjoy Brahma
0
Altın Yaprak
फुलिसखौ गिनायबादि रावनिबो लावथिखौ गिफेरा जोमैआ
अख्रा होनबा अख्रा जेथ' बिनावनो दामायनाय अख्रा
दिनैनि हराव मुलुग दावहामानि देरहासाद फायखिफोरबादि
अख्रां गंसेमानि जोमैआ गाग्लोबनानै लाबाय
आंनि गोसो थोखोमानाय रजे; नों माबोरै दं?
जानो हागौ नों खोनायाखै आंनि गारमा फुवारनाय-हब्रानाय
मानोना अखा खोरोमनायआ खोमाखौबो गाग्लोबबाय
आंनि मोजां मोननायनि बाथ्रा आं जेसेबां बुङामानो नोङो खोनालिया
आंहा जिंगा। नोङो खोनागोन माब्ला?
जथायु दाउमाआ रावणखौ जिउ होनानै गाग्लोबनाय बादि
जिबौ बामोनआ लानजाइ जलायजासे आदार मन'नायबादि
हाथर्खि फेजेनग्रा जोमैखौ गाग्लोबसे गाग्लोबना फेजेननो सानो आं
आहाम आहाम आरो माथो बुंबावनो?
जेलआव खानाय-दारि लावहाबलायनाय खैयदिनि दुखुबादि
नोंनो बाथ्रा फोरमायनो खाबु मोनै आंनि गाबनांनाय रुखु रुखु
फारसेथिं नोंबो सानो खोमा आं साननाय बादि?
बाथुल गावनो साबसिन साबसिन अन्थाइ नागिरनायबादि
आं दानिया साबसिन साबसिन राहा नागिरो
आंनि गोसोनि बाथ्रा नोंनि सिगांआव माब्ला बुंनो मोनगोन?
उदै गाज्रि जानायबादि अखा खोरोमनाय-मोनसे गाग्लोब जानाय
Bu şiiri puanla
Henüz puan verilmemiş